Akkineni Akhil

 

Akhil Akkineni: హిట్ కోసం అక్కినేని హీరో కసరత్తు.. సాలిడ్ కథను సిద్ధం చేస్తున్న సురేందర్ రెడ్డి..

    

అక్కినేని యంగ్ హీరో అఖిల్ కు అర్జెంట్ గా హిట్ కావాలి. చేసిన మూడుసినిమాలు ప్రేక్షకుల్లాను ఆకట్టుకోలేక పోయాయి. చాలా కాలంగా సరైన హిట్ కోసం ఈ కుర్రహీరో చూస్తూనే ఉన్నాడు.

• Rajeev Rayala
 
• Publish Date - 3:57 pm, Thu, 13 May 21

 

Akhil Akkineni: అక్కినేని యంగ్ హీరో అఖిల్ కు అర్జెంట్ గా హిట్ కావాలి. చేసిన మూడుసినిమాలు ప్రేక్షకుల్లాను ఆకట్టుకోలేక పోయాయి. చాలా కాలంగా సరైన హిట్ కోసం ఈ కుర్రహీరో చూస్తూనే ఉన్నాడు. మొదటి సినిమానే యాక్షన్ డైరెక్టర్ వివి. వినాయక్ దర్శకత్వంలో చేసాడు అఖిల్. ఈ సినిమా దారుణంగా నిరాశపరిచింది. ఆతర్వాత అక్కినేని ఫ్యామిలీకి మనం వంటి మెమరబుల్  హిట్ ఇచ్చిన విక్రమ్ కుమార్ దర్శకత్వంలో సినిమా చేసాడు అఖిల్. హలో అనే ఇంటరెస్టింగ్ టైటిల్ తో తెరకెక్కిన ఈ సినిమాకూడా హిట్ అందుకోలేక పోయింది.  ఆతర్వాత వెంకీ అట్లురి దర్శకత్వంలో తెరకెక్కిన మిస్టర్ మజ్ను సినిమా కాస్త పర్వాలేదనిపించుకున్న అంతగా హిట్ టాక్ తెచ్చుకోలేక పోయింది. ప్రస్తుతం డైరెక్టర్ బొమ్మరిల్లు బాస్కర్ దర్శకత్వంలో మోస్ట్ ఎలిజిబుల్ బ్యాచిలర్ సినిమాలో నటిస్తునన్నాడు అఖిల్. ఇందులో పూజా హెగ్డే హీరోయిన్ గా నటిస్తుంది. ప్రస్తుతం ఈ మూవీ షూటింగ్ పూర్తయి విడుదలకు సిద్ధంగా ఉంది. ఇప్పటికే విడుదలైన పోస్టర్స్, సాంగ్స్ ఆకట్టుకుంటున్నాయి. ఇక ఈ మూవీ టీజర్ సినిమా పైన ఆసక్తిని పెంచేసింది. ఈ సినిమా త్వరలోనే ప్రేక్షకుల ముందుకు రాబోతుంది.

తాజాగా అఖిల్ ఏజెంట్ అనే సినిమాలు మొదలు పెట్టిన సంగతి తెలిసిందే. ఈ చిత్రానికి సురేందర్ రెడ్డి దర్శకత్వం వహిస్తున్నాడు. ఇటీవల అఖిల్ పుట్టిన రోజు సందర్భంగా విడుదలైన ఈ మూవీ ఫస్ట్ లుక్ పోస్టర్లో అఖిల్ డిఫరెంట్ రోల్ లో నటించనున్నట్లుగా తెలుస్తోంది.ఈ సారి మాస్ లుక్ తో .. వాళ్లకి కనెక్ట్ అయ్యే పాత్రలో అఖిల్ ను సురేందర్ రెడ్డి చూపించనున్నాడు. ప్రస్తుతం కథపై గట్టిగానే కసరత్తు జరుగుతోందట. ఏకే ఎంటర్టైన్ మెంట్స్ వారితో కలిసి సురేందర్ రెడ్డి నిర్మించే ఈ సినిమా, త్వరలోనే సెట్స్ పైకి వెళ్లే అవకాశాలు ఉన్నాయి. ఈ సినిమాకు సంబంధించిన పూర్తి వివరాలు త్వరలోనే వెల్లడించనున్నారు.